Is-sistema ta’ informazzjoni ġuridika (Das Rechtsinformationssystem - RIS) http://www.ris.bka.gv.at/ hija bażi ta’ dejta elettronika ġestita mill-Kanċillerija Federali tal-Awstrija. Hija tħabbar id-dispożizzjonijiet legali ppubblikati fil-Gazzetta tal-Liġi Federali Awstrijaka (Bundesgesetzblatt) u tipprovdi informazzjoni dwar il-liġi fir-Repubblika Federali tal-Awstrija. Il-bażi tad-dejta ilha teżisti onlajn mill-1986 u minn Ġunju tal-1997 tista’ tiġi aċċessata mill-pubbliku mingħajr ħlas.

Ir-RIS tkopri s-suġġetti li ġejjin (permezz tal-N-Lex wieħed jista' jara biss il-materjal taħt “Bundesrecht konsolidiert“ (il-Liġi Federali Konsolidata) u “Bundesgesetzblatt authentisch ab 2004“ (il-Gazzetta dwar il-Liġi Federali – il-verżjoni uffiċjali, mill-2004))

Il-Gazzetta tal-Liġi Federali (Bundesgesetzblatt) – (il-verżjoni uffiċjali mill-2004 – disponibbli fuq l-N-Lex)

Din l-Applikazzjoni fiha l-Gazzetta Federali dwar il-Liġi Awstrijaka. Fil-Gazzetta Federali, jiġu ppubblikati l-liġijiet kostituzzjonali, il-liġijiet Federali, ir-Regolamenti, l-Avviżi, u t-Trattati tal-Istat. Dawn l-atti legali jgħaddu jew mill-Parlament Awstrijak, magħmul mill-Bundesrat u minn Nationalrat (il-Kunsill Federali u l-Kunsill Nazzjonali) jew permezz ta' Regolament/Avviż mill-Gvern Federali jew Ministru tal-Gvern Federali.

Mill-2004, il-verżjoni li torbot legalment tal-Gazzetta dwar il-Liġi Federali huija ppubblikata fir-RIS biss. Il-verżjonijiet iffirmati huma legalment vinkolanti- biex tara waħda, ikklikkja fuq l-ikona.

IR-RIS fiha wkoll il-verzjonijiet ta' dokumenti mill-1945 sal-2003 li mhumiex legalment vinkolanti, kif ukoll links (ħoloq) fuq l-internet għal-bażi tad-dejta tal-librerija nazzjonali Awstrijaka tal-Gazzetti, mill-1780 sal-1940.

Il-Liġi Federali Konsolidata – (disponibbli fuq l-N-Lex)

Din l-applikazzjoni toffri bażi ta’ dejta tal-Liġi Federali Awstrijaka kollha, f’forma konsolidata (= taqsira tal-att oriġinali bl-emendi kollha sussegwenti, bħala test uniku mhux legalment vinkolanti. Dawn id-dokumenti huma għall-finijiet ta' informazzjoni biss u ma għandhom l-ebda saħħa legali.

Abbozz ta’ Atti Ministerjali (Begutachtungsentwürfe) u Abbozz ta’ Atti tal-Gvern (Regierungsvorlagen) mill-2002

Din l-Applikazzjoni toffri l-possibbilta li wieħed ifittex Abbozzi tal-Ministeri mill-Liġijiet (Abbozzi ta’ Atti Ministerjali) u proposti tal-Gvern mis-sena 2004.

Begutachtungsentwürfe huma abbozzi ta' atti leġislattivi mfassla minn ministeru, li dwarhom il-ministeri l-oħra, l-esperti jew il-gruppi ta’ interessi jkunu jistgħu jagħtu l-kummenti tagħhom, matul perjodu ta’ żmien.

Regierungsvorlagen huma Abbozzi ta' Atti tal-Gvern Federali li ġew adottati unanimament mill-Kunsill tal-Ministri Awstrijak. (Ministerrat) u mibgħuta lill-Parlament għall-adozzjoni.

Il-Liġi Provinċjali kkonsolidata

Il-websajt tar-RIS tinkludi bażi ta’ dejta ta’ atti legali konsolidati mid-9 Länder Federali tal-Awstrija jew provinċji (Burgenland, Karintja, l-Awstrija ta’ Isfel, Salzburg, Styria, Tirol, L-Awstrija ta’ Fuq, Vienna u Vorarlberg). Il-bażi ta’ dejta ġiet żviluppata bil-kooperazzjoni mill-uffiċċji tal-gvern provinċjali.

Il-liġi provinċjali tgħaddi permezz tal-Assemblea Provinċjali (Landtag) – jew permezz ta’ Regolament (Verordnung) mill-Gvernatur Provinċjali (Landeshauptmann) jew mill-Gvern Provinċjali (Landesregierung) – u hija legalment vinkolanti f’dik il-provinċja biss.

Il-Gazzetti dwar il-Liġi Provinċjali

Il-Gazzetta Provinċjali hija disponibbli f’dawn il-Länder Federali: f'Burgenland (mill-2000), f’Karintja (mill-2000), fl-Awstrija ta’ Fuq (mill-1947), f’Salzburg (mill-2001), fi Steiermark (mill-1989), fit-Tirol (mill-1995) u f’Vorarlberg (mill-2001).

Il-Gazzetta dwar il-Liġi Provinċjali tippubblika l-liġijiet kostituzzjonali provinċjali (Landesverfassungsgesetze), il-liġijiet provinċjali (Landesgesetze), ir-Regolamenti (Verordnungen), l-Avviżi (Kundmachungen) u t-Trattati tal-Istat (Staasverträge).

Għall-Gazzetta ta’ Vjenna (mill-1955), ikklikja fuq il-ħolqa tal-Kunsill tal-Belt ta’ Vjenna (Magistrat der Stadt Wien).

Bl-istess mod wieħed jista’ jaċċessa l-Gazzetti Provinċjali storiċi permezz tal-ħolqa tal-Librerija Nazzjonali Awstrijaka.

Il-Liġi Muniċipali

Hawnhekk wieħed isib liġi/regolamenti magħżula mill-provinċji ta’ Karintja, tal-Awstrija ta’ Isfel, ta’ Salzburg, ta’ Styria u ta’ Vjenna.

Il-Liġi Muniċipali hija adottata permezz tas-setgħat delegati lill-muniċipalitajiet (Gemeinden) mill-Kostituzzjoni Awstrijaka.

Il-Każistika

Id-deċiżjonijiet mill-qrati jew mill-bordijiet li ġejjin huma disponibbli:

• Il-Qorti Kostituzzjonali [Verfassungsgerichtshof (VfGH)] - Huma disponibbli mill-1980 ‘l quddiem. Id-deċiżjonijiet il-ġodda huma normalment disponibbli wara ġimgħa li jkunu waslu għand il-Partijiet.
• Il-Qorti Amminstrattiva [Verwaltungsgerichtshof (VwGH)] - Disponibbli mill-1990 ‘l quddiem.
• Il-Ġustizzja - Hawnhekk prinċipalment huma disponibbli Deċiżjonijiet tal-Qorti tal-Appell Finali fi kwistjoniniet ċivili u kriminali, mill-Qorti Suprema.(Oberster Gerichtshof). Disponibbli wkoll, deċiżjonijiet magħżula mill-Qrati Inferjuri (Qrati tad-distretti, Qrati provinċjali u qrati provinċjali ogħla, (Bezirksgerichte, Landesgerichte, Oberlandesgerichte). Flimkien ma’ Deċiżjonijiet magħżula tal-Qrati Barranin.
• Deċiżjonijiet ta’ Tribunali indipendenti u Bordijiet - Fir-RIS wieħed isib ukoll Deċiżjonijiet minn bosta Bordijiet indipendenti, jiġifieri mid-9 Tribunali Amminstrattivi indipendenti (Verwaltungssenaten - UVS), mill-Bord Indipendenti ta’ Reviżjoni tal-Ażil Federali (Unabhängiger Bundesasylsenat - UBAS), mit-Tribunal tal-Ambjent (Umweltsenat), mill-Bord ta’ Komunikazzjonijiet Federali (Bundeskommunikationssenat), mill-Awtoritajiet tal-Akkwisti Pubbliċi, l-Uffiċċju tal-Akkwisti Pubbliċi Federali (Bundesvergabeamt), mill-Kummissjoni għall-Kontroll Federali (Bundes-Vergabekontrollkommission), mill-Aġenziji ta’ Akkwisti Pubbliċi ta’ Salzburg u ta’ Vjenna (Vergabekontrollsenate), mill-Bord tal-Appelli (Berufungskommision,), mill-Kummissjoni Dixxiplinarja Suprema (Disziplinaroberkommission), mill-Kummissjoni għall-Protezzjoni tad-Dejta (Datenschutzkommisison), u mit-Tribunal Superviżorju għar-Rappreżentazzjoni tal-Impjegati (Personalvertretungs-Aufsichtskommission). Hemm ukoll ħolqa għad-Deċiżjonijiet mill-Bord tat-Taxxa indipendenti (Unabhängiger Finanzsenat - UFS)

Digrieti mill-Ministeri Federali u mill-Ministeru tal-Ġustizzja (BMJ)

Din l-applikazzjoni fiha digrieti magħzula mill-Ministeri Federali tal-Awstrija.

Digrieti huma dispozizzjoniet legali amministrattivi li permezz tagħhom il-ministeri jagħtu l-istruzzjonijiet dwar kif il-liġijiet għandhom jiġu implementati.

Austrian Laws (Liġijiet Awstrijaki)

Hawnhekk tinsab selezzjoni ta’ liġijiet Awstrijaċi miġjuba bl-Ingliż.